ســـــلام الله , ومن بعـــده أنـا ملـزوم باصافـح

ســـــلام الله , ومن بعـــده أنـا ملـزوم باصافـح
لواد الظالمه شرعه , ولا عرف شرع (نجد الجاح)

واســم الطير هو يشمل من العصفور لا الجارح
وصعب ان الحجل يوصل لســـافع بالسماء ميّاح

وصلني قــــــول ما بيّن لنا هـــو نـيّ او ناجـح
ولا بيّن لنا قصــــــده , ولا ترجـــــم لنـا إيضـاح

ولا ذي هو اســــتمى راعيه من دمـاج او رازح
ولا هو من تبع شــــوتر ولا هو من خدم طفاح

على كلاً هــلا به صــــــدق لا ضايق ولا فـارح
ولا شي شِح بلهاجــــس ولكن وقتنا ذي شآح

وباصحح له الأخــــــطاء وقد بعض الخطاء فادح
حجر عثره على الماشي ومن ماشافها قد طاح

وقد ماشـــــي كـــما أول زمان (الأكبـر الرابـح)
قده شيبه على الموكى ولا فاده عسل لجبـاح

يصــــالونـه يمـــنّونـه , وذاك الناصــــر الفاتـح
يوزّعــــها رتُب جــــــبره وحــط القايـد السفّـاح

خلاصة كل شي مـــزحه و وقت الجد ما مازح
ورامك لا بداء ســــدي وجــب بادحدحه دحداح

وهذا في عجل حــامي صدر من فوهة القـادح
ولو عــــــوّدت بانرجـــــع , وقـــل يـارب يافـتـاح