بدع جديد مرسل الى الشاعر الكبير / توفيق عبدالله ابوزيده
ـــــــــــــ
ربـّاه عــبدك أقبلك طـــائـع ونفـسه راضـيه
===== قـنوع مـن دنيا النـدم , طـامع بعفـوك يالودود
سالك رضاك ورحمتك , سترك ولبس العافيه
===== وجـنتك , واعــوذ بـك من معمعة ذات الوقود
وبعــد قـال العوبثي سليّت حــرف القافيه
===== بجعل صليله في سطور المعركه برق ورعود
راكــب على افصح أصيلات الطروق العاديه
===== "مُـهره حُـمينيه" لها تاريـخ في طــيَ البعود
تـدرك معانيها , وفـارسـها الولـيد الداهيه
===== آخــر مفـوّه بالعـرب , كندي بلاده أرض هـود
خذها عن اللي سطروا مجد السنين الماضيه
===== من في المجابه يجعلوا جماجم الأعداء عقود
عقود في صــدر الجبل لبيض وراس الباكيه
===== ذي لا لما من فوقها تمـسي سـواقيها ورود
والليله ان النجم يلمع في سماي الصافيه
===== كنه يناديني تأهـب وأطلع الشــامخ سـنود
من هاهنا من موقعي حيث الوحوش الضاريه
===== من واد حبّان الشرف مربى النماره والأسود
قم ياولد في واجـبك وارحل بضربه قاضيه
===== مكتوب تأثيره كما "صاروخ سوفييتي سكود"
واقصـف ديار المـأربي ولا تـذر له باقيه
===== وقبل يتشهد أمـــانه هـــات أقـــواله وعــود
قل له تراني مرتفــع عن كل ماهي دانيه
===== عيني تروم القاصـيه والرجـل تجـتاح الصعود
قل له ســمعنا زلتك لو ما دريـت الآتيه
==== قلت ان شبوه وأهلها ماهم على نهج الجدود
كل الدوافع والحجج عندك صــراحه وآهيه
===== ماقـد سـلف منك جــبرني أنتزع كــل القيود
شــبوه عزيزه بـ أهلها والله ومأرب غاليه
===== مابا انجرف في مسلكك مهما تبادر بالجحود
دامـك تخاطبنا بـ لهجـه عنصـريه باغيه
===== عاد اللبن قم واطرشه او بايقـع سـم الكبود
ما القــاعده ذي عندنا وعندكم متواليه
===== اهل البلد ماحد خـوراج غير بن عمك سعود
وكل تعييرك لنا قد كــان هــدره فاضيه
===== كـــونك بتعرف أصلهم أيضا ًومن أين الطـرود
اخفض زعيقك نحونا واصــرخ بوجه الراعيه
==== ذي ضيعت بوش العرب من خلف نومه بالبرود
ذا فصل أول قد خرج فيه العـرب متوافيه
==== عفوت عنّك لأجــل لا نوصل الى سلخ الجـلود
ايضا ًومن أجل اختصر وابدا معك بالثانيه
===== عادت حليمه وانت تهتف لا حليمه لن تعـود
ماهي شـماته إنما إطــرح إجـابه شافيه
==== لأني أرى عبدالملك سيله جــرف كل السدود
كل المعاقل في طـريقه بالتسلسل خـاويه
===== هو رِك فيكم او خــيانه مثلما ســابق عهود
الى متى يسـرح ويمرح والحــكومه غافيه
==== لا والله إلا الموت أشرف شأن من بعض الرقود
أم إن بن منصور يترقـب يخــوض الحاميه
===== من بعد ماتُحسم لمن بين الدواعش والزيود
ما شـأننا لحـنا وياكم له كفف متساويه
===== فتاح عـكّر صـفوها واليــوم بن هـادي يجـود
مابا ترد السيل مطلع وان كسرت الساقيه
===== خــيره ولكن بعـدها أبصــم بترسـيم الحدود
ياكم صبرنا عنكم رغــم الظروف القاسيه
===== عقدين وأكثر بينما "ماشي تغير في عبود"
وطبعكـم تربه خصـيبه لو خلعتوا طـاغيه
===== في الحـال ينبت طاغيه وانه تقـدمكم يقود
الله يكفينا بلاكــم , شـلها فـي الناصيه
===== طعن القفا ماهو لنا حتى ولو ما احنا سدود
تميت والان اســتلم باقي عليك التاليه
===== تركت أسهلها وارويتك على عــذب العـدود
والخاتمه صلوا على شفيع يـوم الغاشيه
===== شفيعنا في يوم يجمعنا في المحشر حشود
جواب الشاعر الكبير / توفيق عبدالله احمد ابوزيده الماربي
على بدع الشاعر الكبير / وليد بن سالم بن عبثان لسودي :
يالله يامنزل تبارك والضحى والجاثيه
======أنطقت بالحق الثلاثه معجزه وسط المهود
يامن اليك الناس تحشر بعد دنيا فانيه
=======امنتنا في يوم كل الخلق من هوله جمود
قال الحريبي وينكم يااهل العلوم الضافيه
=====يامنبع التاريخ في الحاضر وفي ماضي العقود
ياعزوتي ذي من حريب العز اصل الباديه
====على النقى راسين مرساكم كما صم الحيود
حيو معي بشاعر العمري مراحب وافيه
======قولو معي بصوت يا حيا الله الخصم اللدود
قومو بقدر الضيف ما له غير لقمه هانيه
========اما جوابي ماعذر ماخلي اعيانه قهود
الليل يا الهاجوس خرج لي الحروف الجافيه
=====جوب على من قال بايقصف دياري والنجود
شطح ولد عبثان شطحه ودته لا الهاويه
=====يارب غيره قالها وامسى قفاها في الحود
ديار مارب واهلها قوه عنيده عاصيه
=====اشجع قبايل منها ماهي عدن ارض الهنود
يكفيك من مارب خرج مروي الكبود الضاميه
===القردعي من ديرتي ماحد شبيهه في الوجود
وحول شبوه ذه حقيقه حق ماهي خافيه
======واعيدها ماشفت شبواني يدافع او يذود
قلنا لكم لا تغفلو القوم فيكم ناويه
======صدقتو اللي يوعدوكم بالمناصب والنقود
والقاعده من كل دوله لا ديارك ضاويه
======رمز اليمن وضح هويتهم ومن اين المدود
ومقصدي يا لسودي لوم الرجال الغاويه
=======ونعم بشبوه واهلها اهل الميازر والكنود
ذا فصل والثاني عن اسباب الجراح الداميه
====من ساند الحوثي ومن مهد له العوجى مهود
سا زحف لاما امست خيامه حول صنعاء لاويه
====عينه على السلطه وصوته لجل تخفيظ الوقود
لاشك هادي سانده في لوله والتاليه
=======لنه يعاني عنترت حامد وسلط له حمود
خطط لمن قد كان ثلث القرن قوه عاتيه
====وانهى دول في داخل الدوله وخلاهم شرود
ماكان بن منصور مفلس او عظامه وانيه
======ولا القياده خانته حقن دماء تاك الحشود
سقوط صنعاء شب في القلب النيار الكاويه
=====وكره نهج الرافضي في قلب ابوعابد يزود
اثنعشريه ماصدق من قال عنهم زيّديه
===زايد على قرن انقضى واحنا ويا الزيدي سدود
حتى ولوهم يصرخو بصرخه القرأنيه
======= شعار ماضرو به امريكا ولا ضرو اليهود
هذه عقيده والسياسه قصدها المصداقيه
========قانون يحكم بيننا اما بغيره لن نسود
هذا ونتطلع لمستقبل قوى متخاويه
=====من بعد ما تم التوافق حول مضمون البنود
ماضي مضى لا تذكره والناس منه ساهيه
=====خايف يقولو عنك الجمهور يا العمري حقود
استلهم افكارك من اصحاب العقول الراقيه
===بادر للمّ الشمل واسعى لجل توحيد الجهود
واختم بذكر المصطفى طب النفوس الضانيه
=======شفيعنا يالله تجعلنا على حوضه ورود
